Ist das riesige Finanzamt noch nötig?

Ja, @ wolli, kannst mr immer frachen, Meiner, e häbbchen weeß’ch Meise.Sagisdorfer8 hat recht, ooch wenn se eener 20jährchen schon 8 Wänster zumut‘.27 hätt’ch schreim solln. 🙂
Un mir, vrschtehe mr ma richtch, hatten im Schtudjum ma „Offwand un Nuzzen von EDV“, das hatten mr eenfacher ausjemalt. Denn nachher n dr Bracksis gamb jar nischt Erhebliches raus, weil de Daten je ooch von Leiden erschte mah erfasst wern missen, allso vom Babbierdadendrächer, dr Iwwerseisungk, so mit enner Dadenerfassunksmaschine offnehm un denn gann erscht dr Gombjuder sei Fudder kriejen, vrschtehste? Das is erschtemah e Mehroffwand, weil da Leide drzu jeheern, die das eindibben. Den Nuzzen, derde durch de EDV ensctheht, den kammer jar nich so eksakt messen. Da wern Schdadisdicken meechlich jemacht, aus den‘ Wertschaftsweise sonstewas ableiden genn, wasde widder e Nuzzen jibbt for een Bereich un so weider, das vrmährt un vrfizzt sich denn alles. Un das heeßt denn Verflechdungsbilanzierungk.
Un schbielt schon in de hehre Maddemadick rin. Da hawwch zwar ooch schon ma dran jeschniffelt, awwer weeßt je, im Alder lässts
Riechvrmeechen ooch nach, awwer mr hamm je enne WIWIFACK, da jehste da ma hin un frachst die denn.
Un was Schteiern anjeht, Ahsd, weeßt Du, wasses alles for Schteiern jibt?
Das jeht erschte ma los mt Jemeindeschteiern: Grundschteier A un B, Hundeschteier, Vrkniejunksschteier un was weeß ich noch.Un die wern ooch nich vom Finanzamt einjedriem.
Un denn jibts die annern, diede nach „ohm“ jehn, das is enne janse Masse: Einkommschteier, Lohnschteier, Erbschaftsschteier, Umsazzschteier,Vrmeejensschteier, Mehrwerdschteer,denn noch jibts noch Abjaam, diede oochs Finanzamt eindreibt, wie Vrbrauchsabjaam. ’s soll noch enne Sektschteier un enne Sazschteier aus VorzeitÄn jehm…Denn befasst sich oochs F.-Amt mit Schtizzung fr beschtimmte Erzeichnisse un Sachen. Denn missen se abrechen, wie se ’n Blan erfillt hamm, damit Wolfjank ohm weeß, obbe mehr der wencher vrdeiln gann, un, un, n….
Jezz herich off, ich will ochemah Gaffee dringken, scheene heeß un schwarz…un Dorde!

@ wolli: Jeschtärgkt muss’ch noch was drzu schreim, Meiner,dr Vollschtändchkeet wechen, weeßt je, ich liewe keene halm‘ Sachen.Denn missen se noch Anneliesen schreim, warum dassense ’n Blan bei den vrschiednen Schteierartn iwwererfillt hamm un wesderwechen nich.Un da ziehn denn widder andre ihre Schlusfoljerung‘ draus wie de Handwergksgammer odder Minnisderjen. Ka-ff-Zett-Schteier hawwich jans vrjessen…
Un denn sizzen da ungene offen Amte beschtimmt noch Lätze un Ischen, diede dadernach fahnden, obs Schteierbedriecher jibbt. Oor, vor den‘ missen sich manche vorsähn, da jibbts een driwwer, derde sich jewasch’n hat, kannste gloom! Was meenste, wenn se erscht wissen, wieviele Milljohn De in dr Schweiz jebungkert hast! Maches ma liewer wie de Schwarzern un zeije Dr selwer an, mei Wolli! 🙂 Un den gimmern se sich, also widder andre Beammte, dass manche Lumiche Mehrerleese erzielt hamm, zum Beischbiele, wenn sie Jehacktes machen, de Fleescher eeßte, un se nehm billches Fleesch drfor, Bauchfleesch velleicht, was nich ins Jehackte derf, dadurch erzieln se Mehrerleese, unberechdichte, un die missen se denn abfiehrn ans Finanzamt, weilse unsereens, ’n Vrbraucher, bedubbt- also anjeschissen- hamm. Odder wenn se zeviel Wasser in de Jachtwurscht machen odder ze wenich Läwer in de Läwwerwurscht.’n eenzeln Keifer kennses je nich erschtatten… Desterwejen rechen se aus, wieviel de herjeschtellt hamm, multebliziern das denn un schtecken alles in‘ großen Sack vom Schtaate. Schtaunste, wa, was die da alles machen!! Un bei die Fleescher gann ooch keen Gmbjuder gosten un es Jehackte bejutachten, das missen schön Bemte sinn!
So, nu werschte wo erschte ma iwwerlechen, obde velleicht in e basr Jahrn noch e Anbau neetch werd!! Alles klaro? Velleicht sollten se in die Licke kee Hodell baun, sondern frei lassen forn Anbau, wa?

Iwwrijens hawwich e Jebeide vom BND jesehn, ’s kennte fast e Schwesterbau von unsern Finanzamte sinn, ’s sah jans ähnlich aus.Echt! 🙂

Alle Gebäude die der Staat oder das Land betreiben kosten Miete und Nebenkosten. Der Staat, das Land bzw. die Komune braucht sich da keine Gedanken machen, da die Institutionen keine Anstalten machen ihr jährliches Haushaltsbudget zu minimieren, da sie diese Zuschüsse für das nächste Jahr dann nicht mehr erhalten würden und das wollen diese nicht!

Wenn eine Institution für das Gebäude Management 230 000 Euro braucht erhält es diesen. Braucht die Behörde lediglich 229 000 Euro kriegt sie das auch für das nächste Jahr ohne Probleme. Will sie aber wieder 230 000 Euro haben, weil sie 1000 Euro Mehrkosten hat, muss sie das begründen, was immer 2 Jahre dauert 😉

In welchem Jahrhundert soll das gewesen sein?