Elfriede von dr Voochelweide hadde immer in Deitsch ne Eens offn Zeuchnis, die hat denn Fähler entdeckt un mr widder jeschriem:
Ich hawwe Recht* un fertch!! De deitsche Schbrache hat ihre Rejeln un die muss mr einhaldn. Un eene dadrvon besaacht, dass nachn Word „jedengen“ dr zweete Fall gomm muss. Glar sieht das bleede aus, wenn de Naam alle mit e S am Ende daschtehn, awwer wemmer das ehmd nich will, muss mer schtatt „jedengen“ e andres Werb, wie dr Ladeiner saacht, nehm, fertch.
Ich hawwe in dr Benne immer um meine Deitsch- Eens offen Zeijnis jegämft wie enne Leewin. Un ooch heide noch will’ch mr als lernfäh’ch erweisen un mache mitter nein Redchtschreiwunk mit, schon desterwejen, dass de Engkel nich saachen:“ Neja, de Oma weeß vom Neien ehmd noch nischt! „Nee, meine Engkel solln saachen: “ Gucke, de Oma is offen Kien, die macht noch alles Neie mit!“
Nu noch e scheen Daach, musste widder zur Füßjohderabieh?
Elfriede