Startseite Foren Halle (Saale) Uff hallsch: das Jemehre ums Schadtbad

Ansicht von 3 Beiträgen - 1 bis 3 (von insgesamt 3)
  • Autor
    Beiträge
  • #93129
    #93130

    Hallefreund77 sagte am 15. April 2014

    liwwe elfriede und liwwe Schtadtbadfreinde, mer ham uns üwwer deene Lesserpost jefreit. Du sabbelst uns aus´m Munde.
    Awwer wir kenn dich und de andren Schtadtbadfreinden vorsichern, datte es balle Neies jibt von dor Frauenhalle. Beim Dermin mit dem Bürjermeester, dem Denkmalsamte unner Bädr GmbH hammers uns alle nich leecht jemacht, awwer sin nu zu eenem vornüftchen Ziel jekomm. Es is mit som ollen Gebeide nich leechte, vor allm solls ja nach der Repratur och scheen sin.
    Wr kenn nur hoffn, dat die Schtadtbadfreinde uns un dem Schtadtbade jewoochen bleem.
    Liwwe Griese von eurm Fördervereene

    #93132

    hallefreind 77 scheind je nich von hier ze sein, e Zujereisder, e Hallunke sozesaachen, mr ergennds an dr Schbrache, aber de Zujezochnen hamm je merschdens de besden Jedanken in de Inzucht von dr Hallorndrubbe rinjetraachn.
    Dr ahle Rive war je ooch nich von hier, dän hamm d Hallenser extra von Gruuß Brassel – Breslau off hochdeitsch- jehoold, weilse nich mehr klarkaam mitn Jelde un alles. Ich bin je ooch von dorte jekomm wordn, jäbe mr ooch Miehe wie Rive, dasde alles scheen werd hier. Ans Saaleufer ungene, wo sichs Riveufer schimpt, wär ich ä bar scheene Bänke offstelln, da kammer dann mid seiner Holden droffsitzn, ins Saalemaium kneisten un über de scheene Juchenzeit simuliern.
    Aber ich bin widder ma abjeschwiffen vons Dehma, s jehd je ums Schdadtbad, mir solls je eejendlich ejal sinn, denn ich jehe da nich nein mit mein Wansde, aber de scheen halleschen Weiber wolln je sich in dr Weiberhalle zeijen un rumherpaddln.
    Elfriede, da brauchsde Dr geene Sorjen machn, dr Obee had das alles off seinn langken Tisch jezoochn un zur Chefsache jemachd. Weil e sein´n Bauleitn nich gloobd, ware je selber mitn Maurerhammer dort un had am Putze rumjeklobbd.
    Gondrollinsdanzen hadde ooch jenuch, enne janze Gondrolldrubbe mit dr allerallerhechsden Erfahrungksstufe hadde extra einjeschdelld, damid nischd schiefjehd. Un weil nu d Gommunalwahln vor dr Türe schdehn, hammsen ausn Schdadtrad ooch nochema Damp jemachd, dasses endlich was werd mit dr Weiberhalle von Schdadtbade.
    Mir missn uns dasderwejen keene Sorjen machn,wenns heite nischd werd, werds morjen.
    Wolli vom Kreizvorwerke

Ansicht von 3 Beiträgen - 1 bis 3 (von insgesamt 3)
  • Du musst angemeldet sein, um auf dieses Thema antworten zu können.